وداعتك ياقبر حر سكن فيك "=" وداعتك ياقبر بالله وداعه
ياقبر تدري منهو اليوم راعيك ؟"=" رمز النصر والمرجله والشجاعه
ليتك تشوف الناس وشلون تبكيك "=" اليوم صار الدمع أغلى بضاعه
لا والذي يرحمك مانيب ناسيك "=" ودنياي عقبك كن مابه طماعه
ماحسب كل الناس يامير تغليك "=" لين شخصت لك كل الابصار ساعه
كلن يسولف بك ويلهج بطاريك "=" والبعض الآخر قال موتك اشاعه!
كلن بكاك.. ونادي النصر يرثيك "=" ومن الحزن يامير نزّل شراعه
يسألك وينك؟ وين مرسى شواطيك؟ "=" وزعل ايحسب ان رمزه اليوم باعه!
صار يتذكر تالي الوقت ماضيك "=" يومك تسدد للرمايه ذراعه
مايدري ان الموت خلص لياليك "=" والا انت ماترضى تخليه ساعه
ربا بظلك وانت نصرك مربيك "=" به من طباعك وانت بك من طباعه
وشلون لاء.! لاصار نصرك وناديك "=" واليوم عقبك مايبين شعاعه
السبت أبريل 18, 2009 12:06 pm
